आजको दिन -

आजको दिन - 

आजको दिन - 

यस्तो लाग्छ 

तिम्रो ओठको उज्यालो 

म सम्म बगिरहेछ 

तिम्रो सम्पूर्ण उपस्थिति

लाग्छ,

स्वयं कविता नै 

कविता रचिरहेछ

आजको दिन - 

किन अंगालो देह माग्छ ? 

किन हृदयले स्नेह माग्छ ? 

तिर्खा माया हो कि होइन ?

कहिलेकाँहीं सन्देह लाग्छ 

यस्तो लाग्छ, 

लाजको लाली क्षितिजमा,

आभा वनेर उठिरहेछ

आजको दिन - 

यस्तो लाग्छ, 

तिमीलाई विपनामा चुम्नु, 

तिमीसित संसार घुम्नु, 

केश तिम्रो सुम्सुम्याउनु,

रापमा निथ्रुक्क भिज्नु झै लाग्छ, 

लाग्छ राप आगो सधैं झैं वलिरहेछ

आजको दिन - 

तृप्तिलाई प्यास देऊ, 

प्रेमीलाई मधुमास देऊ, 

छन्दलाई अनुप्रास देऊ, 

यो अँध्यारो पृथ्वी-तलमा, 

मायाको प्रकाश देऊ, 

यस्तो लाग्छ, 

तिमीलाई नै पाउनलाई

मेरो यो मुटु चलिरहेछ 

केवल तिम्रै निम्ति

र थाहा छ मलाई

तिमि पनि मेरो बारेमा 

यहि सोच्दै छौ।।

Share on Google Plus

About Dinesh Lamichhane

आफ्नो परिचय खोज्नको लागी भौतारिरहेको एक आम मान्छे । भाग्यमा भन्दा कर्ममा बिश्वास गर्छु । परिचय सँगै जिवन लाई पनि बुझ्दैछु, र आफुलाई खुशी राख्ने सक्दो कोसिस गरिरहेको हुन्छु । नयाँ नयाँ ठाँउहरु घुम्न धेरै मन पर्छ । अँ कहिले काँहि मनमा लागेजति कुराहरु लेख्ने गर्छु र लेखेको कुराहरु यहि राखेको हुन्छु । हेरेपछी सुझाव दिन नबिर्सनुहोला ।