म एक सिंगो मान्छेलाइ औधी प्रेम गर्छु ।

मलाइ वर्षौँ देखि राम्ररी चिन्ने मित्रहरु मध्ये एकले भन्यो

—तँ मुर्खछस्

—घमणी छस्...
मलाइ हो जस्तो लाग्यो ।

अर्कोले भन्यो

—तँ बिद्धान छस्

—तँ जान्ने छस्

—असल छस्

मलाइ यो पनि हो जस्तो लाग्यो ।

फेरी अर्कोले भन्यो,

—तँ अ-प्रेमी छस्

—अ-पारिवारिक छस्

—अ-सामाजिक छस्

मलाइ अज सोह्रै आना ठिक लाग्यो ।

अनि फेरी पनि अर्को आएर भन्यो

—तँ पागल होस्

—अ-राजक छस्

—तँलाइ जिन्दगी सुहाउँदैन ।

यो पनि मलाइ केहि हदसम्म ठिक लाग्यो ।

अन्तमा मेरी उनि आइन र भनिन्,

—हो तपाई साच्चै मुर्ख हुनुहुन्छ

—साँच्चै घमण्डी हुनुहुन्छ

—बिद्धान हुनुहुन्छ

—अ-पारिवारिक हुनुहुन्छ

—अ-प्रेमी हुनुहुन्छ

—असल हुनुहुन्छ

—र पागल पनि हुनुहुन्छ

त्यस कारण तपाई सिंंगो मान्छे हुनुहुन्छ,

र म एक सिंगो मान्छेलाइ औधी प्रेम गर्छु । 

हो तपाई त्यस कारण नै एक सिंगो मान्छे हुनुहुन्छ, 

र म त्यहि सिंगो मान्छेलाई औधी प्रेम गर्छु ।

@दिनेश

Share on Google Plus

About Dinesh Lamichhane

आफ्नो परिचय खोज्नको लागी भौतारिरहेको एक आम मान्छे । भाग्यमा भन्दा कर्ममा बिश्वास गर्छु । परिचय सँगै जिवन लाई पनि बुझ्दैछु, र आफुलाई खुशी राख्ने सक्दो कोसिस गरिरहेको हुन्छु । नयाँ नयाँ ठाँउहरु घुम्न धेरै मन पर्छ । अँ कहिले काँहि मनमा लागेजति कुराहरु लेख्ने गर्छु र लेखेको कुराहरु यहि राखेको हुन्छु । हेरेपछी सुझाव दिन नबिर्सनुहोला ।