चाँदनीमा नुहाएर आउँछिन् मेरी उनि ।
चाँदनीमा नुहाएर आउँछिन् मेरी उनि ।
फूल भन्दा सुन्दर हुन्छिन् हिउँ भन्दा गोरी ।।
गुलावको पत्र जस्तै कोमल ओठ उन्को ।
उन्को सामु फिक्का हुन्छ चमक पनि जुन्को ।।
दुनियाँको लोभी नजर हेर्छन् चोरी–चोरी ।
चाँदनीमा नुहाएर आउँछिन् मेरी उनि ।।
रेसमी कपाल उन्को मृग नयाँन आँखा ।
उन्कै गित गाउदै कोइली डुल्छ डाँडा पाखा । ।
धर्तिकी सुन्दरी हुन स्वर्गकी परी ।
चाँदनीमा नुहाएर आउँछिन् मेरी उनि ।।
रबि पनि सर्माउँदै लुक्छ बादल भित्र ।
मख्ख पर्दै पवन पनि बन्छ उन्कै मित्र ।।
संगीतको सातै सुर सुनाउँछन् लोरी ।
चाँदनीमा नुहाएर आउँछिन् मेरी उनि ।।
सबै कुरा उन्को सामु फिक्का फिक्का लाग्छ ।
शेषनाग नि मेरी उन्को बयान गर्दा थाक्छ । ।
शृङ्गारका सबै सामाग्री लाई पछाडी पारी ।
चाँदनीमा नुहाएर आउँछिन् मेरी उनि ।।
फूल भन्दा सुन्दर हुन्छिन् हिउँ भन्दा गोरी ।
चाँदनीमा नुहाएर आउँछिन् मेरी उनि ।।
0 comments:
Post a Comment